ال Motion Graphics وأهميته فى مجال الدعاية والتسويق

بعد الابتكارات الهائلة في مجال ال Graphic Design  بفضل التقنيات الرقمية، أصبح مجال ال Motion
Graphics من المجالات المهمة واللي انتشرت بشكل كبير ولا غني عنها في التسويق والترويج للمنتجات والخدمات.

ايه هو ال  Motion Graphics ؟

ال  Motion Graphics هي رسوم متحركة توضيحية وهي نوع من أنواع ال Animation؛ حيث أن Animation هو مصطلح شامل لكل مجالات الرسوم المتحركة بما فيها ال Motion Graphics كما ذكرنا

ال  Motion Graphics باختصار بتاخد ال  Graphic Design اللي ممكن نسميها Static او ثابتة وبتضيفلها عنصر الحركة فمثلا لو عاوز تخلي ال Logo الخص بموقعك يدور بشكل جذاب…هو ده دور ال Motion Graphics اللي بياخد ال Logo وبيضيف عليه عنصر الحركة عن طريق الدوران!

ال Motion Graphics ليها جانب أقل بكتير من الرسوم المتحركة الاخري في موضوع ال Storytelling وبيتم استخدام أنواع تانية من ال Animation لو محتاجين سرد او رواية قصة.

امتى نستخدم ال Graphics Motion ؟

بنستخدمه لما نكون عاوزين نعبر عن المنتجات او الخدمات اللي بنقدمها خصوصا لو كانت الخدمات دي معقدة؛ فهي هتساعدك في عرض خدماتك بطريقة جذابة وتفضل في ذهن الجمهور، لكونها من أدوات المساعدة المرئية اللي تقدر تعبر بيها عن أفكارك اللي صعب عليك توصيل فكرتها للجمهور بشكل مباشر.

إيه الفرق بين ال  Motion Graphic وال Infographic ؟

ال Infographic هي تصميمات (Static) غير متحركة بيتم استخدامها لعرض المعلومات والبيانات علي هيئة صور ورسوم مبسطة، وبيتكون من أشكال وخطوط ومعلومات مع إمكانية إضافة الصور او الرسوم ليها،ومع تطور فن الرسوم المتحركة والبرامج الخاصة بيها تم ابتكار تقنية ال  Motion Infographic واللي من خلالها بيتم سرد الاحصائيات ومؤشرات الرسوم البيانية والارقام.

ليه الطلب عليها كبير بالشكل ده ؟!

السبب الاول:

زيادة استخدام السوشيال ميديا ووجود المحتوي اللي مش بينتهي، واللي بيخلي أي مستخدم بيدور علي حاجة ملفتة للنظر ويقدر يستوعبها بسهولة بدون تعقيد او ملل؛ ده من أكتر الاسباب اللي جعلت الطلب علي فيديوهات ال  Motion Graphic تزيد بالشكل ده؛ لان المحتوي المرئي بيتم استيعابه بسهولة وبشكل أسرع من المحتوي المكتوب او المسموع فقط وكمان بتجذب انتباه الجمهور بشكل كبير.

السبب التاني:

هو تعدد مجالات استخدام ال  Motion Graphics واللي منها:

1-الاعلانات التقليدية Traditional Ads :

واللي عن طريقها بيستخدمها ال Marketers في عرض
المنتجات علي الانترنت او من خلال الاعلانات التلفزيونية.

2-ال Videos Promo :

واللي بتشمل كل أنواع فيديوهات الدعاية مثل دراسات الحالة ومراجعات
المستخدمين وغيرها

3-ال Explainer Videos :

وهي الفيديوهات التوضيحية مثل مقدمات للمنتجات والخدمات الجديدة و OverViews و Tutorials

4-ال Social Media Videos :

وبيشمل الفيديوهات علي منصات السوشيال الميديا المختلفة لزيادة عدد المتابعين وجذب عدد كبير من العملاء من خلالها،ووفقا لدراسة أجرتها Tubular Insights تبين أن مستهلكي الخدمات والمنتجات أصبحوا مقتنعين بشراء المنتج بعد مشاهدتهم لمقاطع ال Motion Graphics علي مختلف منصات التواصل االجتماعي.

 

من الضروري جدا معرفة إن ال  Motion Graphics المميز ليس بالاشكال الزخرفية وإنما بسهولة تبسيط الفكرة وعرضها بشكل يسهل استيعابه من قبل المتابعين،فهي اداة ممتازة للتسويق والترويج لمنتجاتك وخدماتك
للحصول علي أكبر عدد ممكن من العملاء والمستهلكين.