مواقع الويب

تصميم مواقع الويب وتأثيرها في تسويق المحتوي

كيفية تأثير تصميم المواقع علي تسويق المحتوي:

هناك طرق كثيرة تؤثر علي تسويق المحتوي علي موقعك الالكتروني

(1) التصميم المتجاوب (Responsive Web Design (rwd واهميته:

في البداية لازم نعرف يعني إيه تصميم متجاوب علشان نقدر نستوعب مدي أهميته وليه لازم نعمله؟!

التصميم المتجاوب هو تصميم مواقع الويب بحيث تتكيف مع نوع الجهاز اللي بتفتح منه الموقع مع اختلاف احجام وأنواع الاجهزة دي سواء كانت جهاز كمبيوتر او تابليت او موبايل، مش من الطبيعي إن يتم تصميم نسخة خاصة للموبايل ونسخة للكمبيوتر ونسخة أخري للتابليت لان ده هيكون مكلف جدا وهيحتاج وقت أطول، وعمل النوع ده من التصميم بعد زيادة عدد مستخدمي الانترنت من أجهزة الموبايل والتابليت(حوالي ٢٥ ٪ من مستخدمي الانترنت عن
طريق الموبايل)

طب ليه ضروري نعمل التصميم المتجاوب (RWD)؟ !
علشان المستخدم يقدر يستعمل الموقع من أي جهاز وفي أي وقت بدون ما يظهر أي فرق او إنك تجبره علي عمل Zoom لما يستخدمه عن طريق جهاز غير الكمبيوتر وخصوصا إن استخدام الموبايل أصبح أضعاف استخدام الكمبيوتر وبالتالي تكون حققت ما يسمي بال User Experience

– تحسين ال SEO لموقعك وده بسبب إن Google بتفضل وتوصي باستخدام التصميم المتجاوب وبالتالي تصدر نتائج
البحث وتسويق المحتوي بشكل أعلي.

– بيساعدك علي الوصول لأكبر عدد ممكن علي الشبكات الاجتماعية المختلفة بعد استخدامه عن طريق مختلف أنواع الاجهزة.

– تقليل التكلفة ومدة التصميم لانك هتستخدم تصميم واحد فقط علي مختلف أنواع الاجهزة باختلاف أحجامها وأنواعها.

(2)ال Accessibility او إمكانية الوصول:

واحدة من أهم الحاجات اللي بنركز عليها لما بنصمم موقع ويب ملئ بالمحتوي هي إمكانية وصول المحتوي للجمهور،ومن الضروري لما تنشر محتوي علي موقعك لازم يكون سهل العثور عليه وقرائته كمان ال Navigation او الانتقال بين الصفحات لازم يكون سهل علشان يوصل المستخدم للمعلومات اللي محتاجها بسهولة من غير ما تلزمه بالنقر فوق الصفحات اللي ملهاش صلة بالمحتوي.
فلو زائر الموقع لقي إنه لازم يوصل للمعلومات اللي محتاجها عن طريق تصفح صفحة تلو أخري، من المرجح جدا إنه يمل ويبحث عن موقع تاني؛ علشان كدا من الضروري إعداد انتقالات مباشرة مع خيارات القائمة المنسدلة (down/drop ) لمساعدة الزائرين في إنهم يوصلوا للمعلومات اللي بيبحثوا عنها بسهولة.

(3) Appearance او شكل الموقع:

جودة المحتوي وجدارته بالثقة بتعتمد علي مدي احترافية موقعك، فممكن يكون المحتوي متميز للغاية بس ال design شكله قديم ومش جذاب وبالتالي يظن المستخدم إن المحتوي قديم وغير قيم ويفكر في البحث عن موقع تاني!

(4) ال Readability :

وهي مقياس لمدي جودة وسهولة قراءة النصوص اللي بتعبر عن المحتوي ، في قواعد كتير  استخدامها بيزيد نسبة ال Readability ومنها إن النصوص تكون جذابة بصريا وسلسة وسهلة القراءة؛ وأيضا تجنب اختيار عدد كبير من انواع الخطوط(Fonts )في موضوع واحد لكونه غير احترافي ويسبب إرباك للقارئ ، والافضل الالتزام بخط واحد
للعناوين وآخر للمقالة الاساسية.

وبالتالي اختيار الخطوط والالوان المناسبة من الامور المهمة لجذب الزائرين وفهمهم للمحتوي الخاص بك، فمثال إذا كان لون ال Font مشابه للون ال Background ده هيضايق القارئ ويبعده عن قراءة المحتوي الخاص بك، فمن المهم جدا تنسيق الالون والاهتمام باختيارها.

شركة شورت كت  بالرياض من الشركات الرائدة في مجال تصميم بروفايل الشركات والمؤسسات، والموشن جرافيك، فقط عليك الاتصال بفريق العمل، من خلال المصممين التابعين لها يتم كتابة البيانات المطلوبة لتصميم بروفايل شركة متكامل، والعمل على رقي الشركة وتحسين مستواها في السوق الإلكتروني.